الهی لطف ائله باشدان دوشن بختک کنار اولسون
خزان سیری کسیلسین تا دوباره بیر بهار اولسون
گولوش گلسین دوداق اوسته بوغازدان بغض رد اولسون
بیزیلن دوست اولانلار گل چمنده غیری خار اولسون
اورکلردن هامی غصه گئدوب شادلیخ یئرین دوتسون
داریخما محو اولوب آخیر اورکلرده قرار اولسون
شمادتدن قوتار یارب داخی صبر و قراریم یوخ
اوزون ائیله قضاوت تا بو کسلر شرمسار اولسون
گئجه وئرسین یئرین صبحه دوباره حق یئرین تاپسین
وجاء الحق و باطل جملگی بی اعتبار اولسون
قرا رختین سویاخ دلدن چیخا یاددان گئچن گونلر
نشاط و شوریمیز آرتیب گئنه خوش روزگار اولسون
داریخما طائرا هرگز توکل ائیله اللهه
بو تئزلیخدا تحمل ائیله پایان انتظار اولسون
- یکشنبه
- 15
- اسفند
- 1400
- ساعت
- 9:0
- نوشته شده توسط
- طائر
- شاعر:
-
طائر اورنگی
ارسال دیدگاه